ડાંગ ડિસ્ટ્રીક્ટ ડેવલોપમેન્ટ કો.ઓર્ડિનેશન અને મોનીટરીંગ કમિટી (દિશા) બેઠક આહવા ખાતે યોજાઇ

ડાંગ ડિસ્ટ્રીક્ટ ડેવલોપમેન્ટ કો.ઓર્ડિનેશન અને મોનીટરીંગ કમિટી (દિશા) બેઠક આહવા ખાતે યોજાઇ
Spread the love

આહવા
ડાંગ ડિસ્ટ્રીક્ટ ડેવલોપમેન્ટ કો.ઓર્ડિનેશન અને મોનીટરીંગ કમિટિ (દિશા) ની બેઠક ડાંગ-વલસાડ સાંસદ શ્રી ર્ડા.કે.સી.પટેલના અધ્યક્ષ સ્થાને ધારાસભ્યશ્રી મંગળભાઈ ગાવિત,જિલ્લા પંચાયત પ્રમુખ શ્રીમતિ બીબીબેન ચૌધરી,કલેકટરશ્રી એન.કે.ડામોર,જિલ્લા વિકાસ અધિકારી શ્રી એચ.કે.વઢવાણિયાની ઉપસ્થિતિમાં જિલ્લા સેવા સદનના સભાખંડમાં આજરોજ તા.૧૬/૦૯/૨૦૧૯ ના રોજ ૧૧-૩૦ કલાકે યોજાઈ હતી.

સંસદ સભ્ય શ્રી ર્ડા.કે.સી.પટેલે પ્રધાનમંત્રી કૃષિ સિંચાઈ યોજના અંતર્ગત ચેકડેમોની કામગીરી અંગે સમીક્ષા કરતા જણાવ્યું હતું કે ડાંગમાં કૃષિ ક્ષેત્રના વિકાસ માટે કઈ નદી ઉપર ચેકડેમોનું નિર્માણ થશે તે માટે સબંધિત અધિકારીઓ સાથે સંકલનથી કામ કરવામાં આવે તો ડાંગમાં પાણી ટકાવી શકાશે. વધુમાં ડાંગમાં બી.એસ.એન.એલ.ના કુલ ૨૨ ટાવર મંજૂર કરાયા છે તે પૈકી હાલ ૮ કાર્યરત કરાયા છે. બાકીના કયા સ્ટેજ સુધી કામગીરી પુરી થઇ તે અંગે દુરસંચાર વિભાગના ઈજનેર શ્રી સરોજકુમાર સાથે સમીક્ષા કરી ઝડપથી કામગીરી કરવા તાકીદ કરી હતી.પ્રધાનમંત્રી ઉજ્જવલા યોજના હેઠળ આંગણવાડીના બહેનોને ગેસ કનેકશન આપવામાં આવ્યા છે જે બોટલ પૂર્ણ થતા બહેનોને અગવડ ન પડે તે માટે સુચારૂ વ્યવસ્થા હાથ ધરવા મામલતદારશ્રીને અનુરોધ કર્યો હતો.

કલેકટરશ્રી એન.કે.ડામોરે સમાજ સુરક્ષાની ઈન્દિરા ગાંધી રાષ્ટ્રિય વિકલાંગ પેન્શન યોજના,વૃધ્ધ પેન્શન યોજના તેમજ રાષ્ટ્રિય કુટુંબ યોજનામાં કોઇ લાભાર્થી રહી ન જાય તેની તકેદારી રાખવા જણાવ્યું હતું. તેમજ યોજનાકીય કામો દરમિયાન સરકારશ્રીની ગાઈડલાઈન મુજબ નક્કર કામગીરી કરી ગુણવત્તાસભર કામ થાય તેવી અપેક્ષા વ્યક્ત કરી હતી.
ધારાસભ્ય શ્રી મંગળભાઈ ગાવિતે આરોગ્ય વિભાગને સૂચન કર્યું હતું કે મા યોજના હેઠળ પેટના દર્દને લગતી સર્જરીની જરૂરિયાત સામે યોજનાનો લાભ મળતો નથી તેમજ એકસીડન્ટ ના કેસમાં રૂા.૫૦ હજારની તાત્કાલિક સહાય લાભાર્થીને મળતી નથી. ત્યારે સિવિલ સર્જનશ્રી ર્ડા.રશ્મીકાંત કોંકણીએ આયુષમાન ભારત યોજનામાં લાભાર્થીને કેવી રીતે લાભ લેવો તેની માહિતી આપી હતી.

દિશાની આ સમીક્ષા બેઠકમાં આરોગ્ય,શિક્ષણ,વિજળી,આંગવાડી,મધ્યાહન ભોજન,પ્રધાનમંત્રી આવાસ, મનરેગા,પ્રધાનમંત્રી વિકાસ કૌશલ્ય યોજના,મિશન મંગલમ યોજના અંતર્ગત સમીક્ષા હાથ ધરાઇ હતી. આ બેઠકમાં જિલ્લા વિકાસ અધિકારીશ્રી એચ.કે.વઢવાણિયા, જિલ્લા પંચાયત ઉપપ્રમુખશ્રી હરેશ બચ્છાવ,વધઇ તાલુકા પંચાયત પ્રમુખ શ્રી સંકેતભાઈ બંગાળ,નાયબ પોલીસ અધિક્ષકશ્રી આર.ડી.કવા,નાયબ વન સંરક્ષકશ્રી દિનેશ રબારી,પ્રાંત અધિકારીશ્રી કાજલ ગામીત,સામાજીક કાર્યકરશ્રી ગાંડાભાઈ પટેલ સહિત તમામ ઉચ્ચ અધિકારીઓ ઉપસ્થિત રહયા હતા.નિવાસી અધિક કલેકટરશ્રી ટી.કે.ડામોરે સૌનો આભાર વ્યક્ત કર્યો હતો.

Right Click Disabled!