દાહોદ જિલ્લામાં સપ્ટેમ્બર માસની પોષણ માહ તરીકે થઇ રહી છે ઉજવણી

દાહોદ જિલ્લામાં સપ્ટેમ્બર માસની પોષણ માહ તરીકે થઇ રહી છે ઉજવણી
Spread the love
  • જિલ્લા વિકાસ અધિકારીશ્રી રચિત રાજ સહિત સૌ પોષણકર્મીઓએ પોષણ શપથ લીધા

દાહોદ જિલ્લામાં સપ્ટેમ્બર માસની પોષણ માહ તરીકે ઉજવણી કરવામાં આવી રહી છે. જિલ્લામાં રાષ્ટ્રીય પોષણ માહની ઉજવણીમાં પાંચ જરૂરી ઘટકો ઉપર ભાર મુકવામાં આવી રહ્યો છે. બાળકના પ્રથમ ૧૦૦૦ દિવસ, એનેમીયા, ઝાડા નિયંત્રણ, હેન્ડ વોશ અને સેનિટેશન અને પોષ્ટિક આહાર. આજ રોજ દાહોદ જિલ્લામાં કોરોના સંક્રમણની સ્થિતિને ધ્યાને લઇ કોવીડ-૧૯ની માર્ગદર્શીકા મુજબ સોશીયલ ડિસ્ટન્ટ, માસ્ક સાથે જિલ્લા પંચાયત દાહોદના તમામ અઘિકારીશ્રીઓએ જિલ્લા વિકાસ અઘિકારી શ્રી રચિત રાજના માર્ગદર્શન હેઠળ ”પોષણ શપથ” લીધા હતા.

જિલ્લા પ્રોગામ ઓફીસર-આઇસીડીએસ, તાલુકાના અઘિકારીશ્રીઓ, સીડીપીઓશ્રીઓ, મુખ્ય સેવિકાઓ અને તમામ આંગણવાડી કાર્યકર, એનએનએમ સ્ટાફ તથા ઉપસ્થિત નાગરિકોએ ”પોષણ શપથ” વિડીયો કોન્ફરન્સ થકી લીધા હતા. જિલ્લામાં વ્યાપક જનઅભિયાનથી પોષણ માહ-ર૦ર૦ના તમામ કાર્યક્રમોમાં દરેક ઘર, દરેક આંગણવાડી, દરેક ગામ અને દરેક શહેરમાં જાગૃતિ લાવવા કાર્યક્રમો હાથ ઘરવામાં આવશે.

FB_IMG_1599484562622.jpg

Right Click Disabled!