અમદાવાદમાં મકાન વેચાણમાં 83 ટકાનો ઘટાડો

અમદાવાદમાં મકાન વેચાણમાં 83 ટકાનો ઘટાડો
Spread the love

નવી દિલ્હી : કોવિડ-19ના લીધે રાષ્ટ્રવ્યાપી લોકડાઉન લાદવામાં આવતાં રિયલ્ટીની માંગ પર વિપરીત અસર પડી છે અને એપ્રિલથી જૂન ક્વાર્ટરમાં હાઉસિંગનું વેચાણ 79 ટકા ઘટીને 19,038 એકમ થયું છે, એમ રિયલ એસ્ટેટ બ્રોકરેજ કંપની પ્રોપટાઇગરે જણાવ્યું હતું. અમદાવાદમાં વેચાણ 83 ટકા ઘટીને આ સમયગાળામાં 1,181 એકમ થયું હતું. તેની સામે ગયા વર્ષે આ વેચાણ 6,784 એકમ હતું. રિયલ ઈનસાઇટ: 2020ના છેલ્લા આંકડા મુજબ ન્યૂઝકોર્પ સમર્થિત પ્રોપટાઇગરે જણાવ્યું હતું કે આ વર્ષે જાન્યુઆરીથી જૂનના છ મહિનાના સમયગાળામાં રહેણાક મિલકતોનું વેચાણ 52 ટકા ઘટી 88,593 એકમ થયું હતું.

આ અહેવાલમાં અમદાવાદ, બેંગલુરુ, ચેન્નાઈ, હૈદરાબાદ, કોલકાતા, દિલ્હી-એનસીઆર (નોઈડા, ગ્રેટર નોઈડા, ગુરુગ્રામ, ગાઝિયાબાદ અને ફરિદાબાદ), એમએમઆર (મુંબઈ, નવી મુંબઈ, થાણે) અને પૂણેની વિગતો જણાવવામાં આવી છે. આ આંકડા હૈદરાબાદમાં હાઉસિંગ વેચાણ એપ્રિલથી જૂન 2020માં 86 ટકા ઘટી 1,099 એકમ થયા હતા, જેની સામે તે વર્ષ અગાઉના સમાન સમયગાળામાં 8,122 એકમ હતા. મુંબઈએ 2020ના પૂરા થયેલા બીજા ક્વાર્ટરમાં 85 ટકા એકમનો ઘટાડો નોંધાવતાં તે 29,635 એકમ થયું હતું. નેશનલ કેપિટલ રિજન (એનસીઆર)એ એપ્રિલથી જૂનમાં વેચાણમાં 81 ટકાનો ઘટાડો નોંધાવતાં તે ગયા વર્ષના સમાન સમયગાળાના 9,759 એકમથી ઘટી 1,886 એકમ થયું હતું.

કોલકાતામાં વેચાણ 75 ટકા ઘટી 5,268 એકમ થયું હતું, જ્યારે પૂણેમાં માંગ 74 ટકા ઘટીને 4,908 એકમ થઈ હતી, જે ગયા વર્ષના સમાન સમયગાળામાં 18,581 એકમ હતી, એમ તેણે રિવ્યૂમાં જણાવ્યું હતું.બેંગલુરુએ વેચાણમાં 73 ટકા ઘટાડો નોંધાવતા 2,776 એકમ વેચાણ નોંધાવ્યું હતું, જે ગયા વર્ષના સમાન સમયગાળામાં 10,251 એકમ હતું. ચેન્નાઈએ 70 ટકાનો ઘટાડો નોંધાવતાં 1,312 એકમ વેચાણ નોંધાવ્યું હતું, જે ગયા વર્ષના સમાન સમયગાળામાં 4,364 એકમ હતું. વર્તમાન રોગચાળો ભારત સહિતનાં વૈશ્વિક અર્થતંત્રોને વૃદ્ધિની સંકોચન આપતી ઘટના તરીકે વણકલ્પી ઘટના તરીકે આવ્યો છે.

અપેક્ષા છે તેમ આર્થિક અનિશ્ચિતતાના લીધે વધતી જતી બેરોજગારીથી માંગ પર વિપરીત અસર પડી છે, એમ હાઉસિંગડોટકોમ, મકાનડોટકોમ અને પ્રોપટાઇગરડોટકોમના સીઓઓ મણિ રંગરાજને જણાવ્યું હતું. સમગ્ર કેલેન્ડર વર્ષના વેચાણ આઉટલૂકને જોઈએ તો તેમની આશા છે કે 2020ના બીજા ભાગમાં માંગ સારી રહેશે, પરંતુ તેણે કોઈ અંદાજ આપવાનો ઇન્કાર કર્યો છે. પ્રોપટાઇગર, મકાન અને હાઉસિંગડોટકોમની રિસર્ચ હેડ અંકિતા સૂદે જણાવ્યું હતું કે લોકડાઉનના લીધે અને આર્થિક અનિશ્ચિતતાના લીધે એપ્રિલથી જૂન ક્વાર્ટરમાં વેચાણ પર ખરાબ અસર પડી છે. મુંબઈએ વેચાણમાં 50 ટકા ઘટાડો નોંધાવતાં 28,528 એકમનો ઘટાડો નોંધાવ્યો હતો, જ્યારે પૂણેએ 20,431 એકમના વેચાણ પર 44 ટકાનો ઘટાડો નોંધાવ્યો હતો.

home-loan-3-1024x683.jpg

Right Click Disabled!