ડાંગ દરબારને અનુલક્ષીને ટ્રાફિક નિયંત્રણો જાહેર કરાયા
ડાંગ દરબારને અનુલક્ષીને ટ્રાફિક નિયંત્રણો જાહેર કરાયા ;
તા: ૧૦: ડાંગ જિલ્લાના મુખ્ય વહીવટી મથક આહવા ખાતે ગુજરાત પ્રવાસન નિગમ તથા જિલ્લા વહીવટી તંત્ર દ્વારા આગામી તા.૧૩ થી ૧૬ માર્ચ દરમિયાન ડાંગ દરબાર-૨૦૨૨નુ આયોજન કરાયુ છે. જેનુ ઉદઘાટન રાજયપાલશ્રીના વરદ હસ્તે તા.૧૩/૩/૨૦૨૨ના રોજ કરવામા આવનાર છે.
ડાંગ દરબારના મેળા દરમ્યાન આહવા નગરના રસ્તાઓની આજુબાજુની જમીન ઉપર, હંગામી ધોરણે ઉભી કરેલ વિવિધ પ્રકારની દુકાનો હોવાથી, સદરહુ રસ્તાઓ ઉપરથી પગે ચાલીને જનારાઓની અવર-જવર વિશેષ પ્રમાણમા રહેતી હોય છે. જેથી મેળા દરમ્યાન લોકોને ભય, હરકત, અગવડ કે અકસ્માત ન થાય, અને ટ્રાફિક સમસ્યાના નિવારણ માટે સદરહુ રસ્તાઓના ઉપયોગ ઉપર કેટલાક નિયંત્રણ, પ્રતિબંધ ફરમાવાયા છે.
જે મુજબ તા.૧૩/૦૩/૨૦૨૨ થી તા.૧૭/૦૩/૨૦૨૨ સુધી, (ક) ગ્રામ પંચાયત કચેરી-આહવાથી ફવારા સર્કલ સુધીનો રસ્તો, (ખ) રંગ ઉપવન-આહવાથી શહિદ સ્મારક સુધીના રસ્તા ઉપર (ક) મોટર તેમજ અન્ય વાહન, તથા (ખ) પ્રાણીઓ સાથે અથવા પ્રાણીઓ દ્વારા ચાલતા વાહન જઈ શકશે નહી.
આ જાહેરનામામાંથી અપવાદરૂપે (ક) પીવાના પાણીની સેવા, ગંદા પાણીની સેવા, તબીબી સેવાઓ, કાયદો અને વ્યવસ્થાની જાળવણી માટેની સેવાઓ પુરી પાડવા મોટર વાહનમા જનારાઓ, (ખ) સરકારી ફરજ ઉપર હોય તેવા સરકારી વાહનમા જનારાઓને મુક્તિ આપવામા આવી છે.
જિલ્લા મેજિસ્ટ્રેટ શ્રી ભાવિન પંડ્યા દ્વારા જારી કરાયેલા જાહેરનામા અનુસાર, આ પ્રતિબંધિત સમય દરમ્યાન વાહન વ્યવહાર માટે તમામ વાહન ચાલકોએ, ફુવારા સર્કલથી આશ્રમ રોડ થઇ પ્રવાસી ગૃહ ત્રણ રસ્તા થઇ સિવિલ હોસ્પિટલ ત્રણ રસ્તાથી સુબીર, સાપુતારા રોડ તરફ, અને એસ.ટી.ડેપો આહવા સુધીના માર્ગનો ઉપયોગ કરવાનો રહેશે.
આ ઉપરાંત વાહન પાર્કિંગની વ્યવસ્થા માટે (૧) સાપુતારા રોડ તરફથી આવતા વાહનો માટે સરકારી માધ્યમિક શાળા-આહવાનુ મેદાન, (ર) સુબીર તરફથી આવતા વાહનોના પાર્કીંગ માટે નાયરા પેટ્રોલ પંપની પાછળની જગ્યા, (૩) વઘઈ રોડ તરફથી આવતા વાહનો માટે દિપદર્શન સ્કુલની પાછળની જગ્યા તથા (૪) ડાંગ સ્વરાજય આશ્રમ-ટીમ્બર હોલ સામેનુ મેદાન, ઉપરાંત (૫) ડાંગ કલબ આહવાનુ મેદાન, (૬) સરકારી વાહનોના પાર્કિંગ માટે જુની કલેકટરશ્રીની કચેરી, તથા (૭) તાલુકા/જિલ્લા પંચાયત કચેરી ખાતે જિલ્લાના ઉચ્ચ અધિકારીશ્રીઓ તથા વી.વી.આઇ.પી. આમંત્રિતોના વાહનોનુ પાકીંગ નિયત કરવામા આવ્યુ છે. જેની વાહન ચાલકોને નોંધ લેવા વિનંતી છે.
આ જાહેરનામાનો ભંગ કે ઉલ્લંઘન કરનાર ગુજરાત પોલીસ અધિનિયમ-૧૯૫૧ની કલમ-૧૩૫ મુજબ શિક્ષાને પાત્ર ઠરશે.
રિપોર્ટ.સંજય ગવળી. ડાંગ
➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.
વધુ વિગત માટે સંપર્ક :-
➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330
➡️ રસિકભાઈ વેગડા
કોલ : 94265 55756
