ધારી : દેશી બનાવટી જામગરી બંદુક સાથે ઇસમને ઝડપી પાડતી અમરેલી SOG

ધારી : દેશી બનાવટી જામગરી બંદુક સાથે ઇસમને ઝડપી પાડતી અમરેલી SOG
Spread the love

અમરેલી પોલીસ અધિક્ષકશ્રી નિર્લિપ્ત રાય સાહેબનાઓએ જીલ્લામાં આગામી વિધાનસભા પેટા ચૂંટણી અનુસંધાને તટસ્થ, ન્યાયિક અને પારદર્શક રીતે ચૂંટણી પ્રક્રિયા યોજાય, અને આમ જનતા ભય મુક્ત વાતાવારણમાં રહી શકે તે હેતુથી જીલ્લામાં બનતા ગંભીર પ્રકારનાં ગુન્હાઓ અટકાવવા તેમજ ગેર કાયદેસર હથિયાર ધરાવતા ઇસમોને ત્તાત્કાલીક પકડી પાડી કાયદેસરની કાર્યવાહી કરવા અંગે જરૂરી સુચનાં અને માર્ગદર્શન આપેલ.

જે અન્વયે એસ.ઓ.જી. શાખાના પો.સ.ઇ. શ્રી એમ.એ.મોરી તથા SOG ટીમ એ.ટી.એસ. ચાર્ટર લગત ખાંભા પોલીસ સ્ટેશન વિસ્તારમાં પેટ્રોલીંગમાં હતા તે દરમિયાન ખાનગી બાતમીરાહે હકિકત મળેલ કે, ખાંભા તાલુકાનાં ભાડ ગામથી થોડે દૂર સાવરકુંડલા રોડ પર આવેલ નદીના પુલ પાસે એક માણસ પોતાની પાસે ગેરકાયદેસર હથિયાર (અગ્નિશસ્ત્ર) રાખી ઉભો છે. અને તે કોઇ ગુન્હો કરવાની પેરવીમાં હોય, જે અનુસંઘાને બાતમીવાળી જગ્યાને કોર્ડન કરી રેઇડ કરતા દેશી બનાવટી જામગરી બંદુક (અગ્નિશસ્ત્ર હથિયાર)* સાથે એક ઈસમને ઝડપી પાડેલ છે.

પકડાયેલ આરોપી

યાસીનભાઇ હબીબભાઇ ચૌહાણ, ઉવ.૨૦, ધંધો. મજુરી, રહે.સાવરકુંડલા, ખાટકીવાડ, તા.સાવરકુંડલા, જી.અમરેલી.

કબ્જે કરેલ મુદ્દામાલ

મજકુર પકડાયેલ ઈસમનાં કબ્જામાંથી દેશી હાથ બનાવટી જામગરી બંદુક *(અગ્નિશસ્ત્ર હથિયાર)* કિ.રૂા.૫૦૦/- ના મુદ્દામાલ સાથે પકડી પાડેલ અને પકડાયેલ ઇસમ વિરૂધ્ધ આર્મ્સ એક્ટ હેઠળ કાયદેસરની કાર્યવાહી કરી, ગુન્હો દાખલ કરાવી આરોપીને વધુ તપાસ અર્થે ખાંભા પોલીસ સ્ટેશનમાં સોંપી આપેલ છે. આમ, અમરેલી પોલીસ અધિક્ષકશ્રી નિર્લિપ્ત રાય સાહેબ, નાઓની સુચનાં તથા માર્ગદર્શન હેઠળ SOG PSI શ્રી એમ.એ.મોરી તથા SOG ટીમને દેશી હાથ બનાવટી જામગરી બંદુક (અગ્નિશસ્ત્ર હથિયાર) સાથે એક ઈસમને ઝડપી પાડવામાં સફળતા મળેલ છે.

IMG-20201023-WA0022.jpg

Right Click Disabled!