ભરણ પોષણની રકમ ન ચુકવતા પતિ વિરુદ્ધ સમન્સ લઇ પરિણીતા પોલીસ સ્ટેશન પહોંચી
વડોદરા,
મુંબઇમાં રહેતી અને ૪૦ જેટલી હિંદી ફિલ્મોમાં બોલ્ડ અભિનેત્રી તરીકે કામ કરી ચૂકેલી સપના ઉર્ફ સપ્પુના લગ્ન વર્ષ-૨૦૧૩માં વડોદરાના રહેવાસી અને રીપÂબ્લકન પાર્ટી ઓફ ઇÂન્ડયાના વડોદરા શહેર-જિલ્લા પ્રમુખ રાજેશ રાજકુમાર ગોયલ સાથે થયા હતા. સપના ઉર્ફ સપ્પુને પતિ રાજેશ ગોયલ દ્વારા એક સંતાન છે. સપનાએ મુંબઇ ગયા બાદ પોતાના અને પુત્રના ભરણ-પોષણ માટે અંધેરી-મુંબઇ ખાતે આવેલી મેટ્રોપોલિટન મેજિસ્ટ્રેટ ૪૪ કોર્ટમાં પતિ રાજેશ ગોયલ સામે ભરણ-પોષણનો દાવો કર્યો હતો.
કોર્ટે તા.૧૯-૧-૦૧૮ના રોજ પ્રતિમાસ રૂપિયા ૪૦,૦૦૦ ભરણ-પોષણ પેટે સપના ઉર્ફ સપ્પુને ચૂકવવા માટે પતિ રાજેશ ગોયલને હુકમ કર્યો હતો. પરંતુ, રાજેશ ગોયલ કોર્ટે નિર્ધારીત કરેલી રકમ ચૂકવતો ન હતો. અનેક વખત સમન્સ કાઢવા છતાં, રાજેશ ગોયલ ભરણ-પોષણની રકમ સપના ઉર્ફ સપ્પુને ચૂકવતો ન હતો. ૨૨ માસથી રાજેશ ગોયલ ભરણ-પોષણ ચૂકવતો ન હોવાથી સપના ઉર્ફ સપ્પુ રૂપિયા ૬,૪૦,૦૦૦ ચૂકવવાના ઓર્ડર સમન્સ સાથે શનિવારે વડોદરા આવી પહોંચી હતી. પી.સી.બી. શાખાને આરોપી પતિ રાજેશ ગોયલને સમન્સ બજાવવા રજૂઆત કરી હતી.
